陳偉霆派定心丸氹番阿Sa

陳偉霆（William）早前的派台歌《Baby Don't Cry》被指向舊愛Angelababy憑歌寄意，未知他是否怕現任女友蔡卓妍（阿Sa）呷醋，故第二首Plug的歌名為《Love u 2》，向阿Sa派定心丸！

文：音樂組　攝：司徒國榮

阿Sa和William相戀近一年，兩人愛得癡纏，但William的新歌名叫《Baby Don't Cry》，令人聯想到此曲講過氣緋聞女友Angelababy。William雖然已第一時間澄清只是一般男友對另一半的暱稱，別無他意，叫外界勿太敏感，但無巧不成話，他緊接的第二首新歌名為《Love u 2》，似向女友阿Sa表白：「我一樣愛你。」

談及兩首歌名似有弦外之音，William再澄清：「梗係唔係啦！呢張碟啲歌都唔係講我。」他稱作曲人是「音樂才子」莊冬昕，對方只想寫一首有關現代男女愛情故事的歌，問到有否參與意見？他說：「有，我同佢只用咗45分鐘就作好首歌，同佢合作好開心，學到好多嘢，原來作曲唔係想像中咁困難。」

否認情海翻波

另外，近日突傳他和阿Sa情海翻波致分手，指兩人在早前的叱咤記者會上如陌路人又婉拒合照，William說：「唔係，我同女友感情好好。」他估計有此傳言全因他打算將感情事低調，不想他與女友的戀情成焦點，令人忽略了兩人的工作，因此令「關心」他的人誤會。