王梓軒舞起變形金剛
唱作人王梓軒（Jonathan）將於書展出擊晒私密照，以電子書分享入行前後的心路歷程：「諗過出傳統嘅自傳，但我仲細，唔應該咁快寫。」書中有不少他從未曝光的相片，包括年幼時戴眼鏡的「傻仔」樣及穿超人衫的可愛Look。
問到有冇童年「裸照」，他說：「我條件未夠可以硬撼，本書《超越三部曲》仲有好多好珍貴嘅片段，好似入行前錄嘅第一個Demo、大學清唱Tour時喺宿舍瞓地板。」新書更收錄其新歌特別版MV，Jonathan說：「呢個《玩具也流淚》玩具版MV，用Stop-Motion去拍，三分鐘嘅MV用咗超過一百個鐘頭拍，啲玩具跳我嘅舞步之餘仲要配合歌詞意思。」拍攝MV當日，他更親自拿着變形金剛等Figure設計舞蹈動作，相當投入！
Jonathan向變形金剛親自「傳授」舞技。