林奕匡作歌冧女友被誤當分手
陳柏宇（Jason）與師弟林奕匡因合唱新歌《無限》而成為好友，閒時互相研究樂器。Jason透露花近一年時間自學彈結他：「平時通常匿喺屋企作吓歌，完成咗一堆歌喺屋企，等有用時攞出嚟用！（用樂器作歌冧女友？）未呀！如果我作歌畀女友，一定唔會用嚟出碟，只會係for佢！」
但12歲學色士風的林奕匡，自爆曾用色士風作情歌氹女友：「嗰時我返咗香港，女友仲喺加拿大讀書，好掛住佢，所以用色士風作咗首歌燒落隻碟寄畀佢，點知佢收到時隻碟碎咗兩邊，仲打嚟問我係咪一刀兩斷！」
陳柏宇（左）和林奕匡老友鬼鬼，經常相約把酒談心。