着裙開騷考驗C AllStar
去年憑《天梯》一曲爆紅的組合C AllStar，除在書展再度出書、月底開騷外，更在今年內推出新專輯。四子提起月底與管弦樂團Crossover的演唱會，亦一臉興奮：「係第一個屬於我哋嘅騷，之前綵排過，佢哋編譜好有驚喜。」因有樂團伴奏，向來愛玩和音的他們將略刪減和音部分，集中主音演出。C AllStar平時愛以整齊「隊衫」示人，問到服裝上會否有驚喜？成員King搞笑地說：「有諗過着波波裙同蘇格蘭裙。」四子稱屆時可能在台上互爆小秘密。對於Mr.再捲入抄歌風波，C AllStar認為創意冇講抄唔抄，成員on仔說：「啲人聽三五個音就話抄，可能佢哋聽開同類型嘅歌入晒心，聽到幾個音就話似。」釗峰則認為歌迷應將重點放在編曲心思上，不要動輒討論是否抄歌。
將與管弦樂團開演唱會的C AllStar，笑言屆時想着裙。