李治廷熱戀音樂

被形容為新一代吸金王的李治廷（Aarif），吸引不少電影製作人及廣告商垂青，更獲老闆黎明揼本舉行首個演唱會。

憑電影《歲月神偷》在中港台打響知名度的Aarif，迅即成為影壇搶手貨，片約不斷，剛到英國參演徐靜蕾執導的新片《親密敵人》，月底將返內地跟張藝謀一手捧紅的周冬雨合拍新片，他也深得廣告商垂青，連接五個不同產品代言工作。

09年出道的他，一直被視為黎明愛將，最近公司更斥巨資為他舉行首個演唱會，他說：「係受寵若驚，好多人錫自己。」他坦承是豐收的一年，問到是否很開心？他說：「係一種安心，幾幸福，起碼唔使憂柴憂米，可以夠膽去做多啲嘗試。」他與黎明很有默契，並坦言從老闆身上獲益良多：「佢係會坐低同你傾偈嘅老闆。（你聽得明佢嘅說話？）聽得明，三年都聽唔明我好蠢o架啦！」

永不分離

為配合下月舉行的演唱會，Aarif將推出新碟造勢，雖然他近年忙於拍戲，但仍無損對音樂的熱誠，他說：「我16歲已經企硬同爹哋媽咪講我一定要做音樂，呢個諗法一直冇變。」他形容跟音樂就像談戀愛，永不分離。問到是否永遠都熱戀？他笑說：「咁又唔得，結咗婚都唔會永遠熱戀，但如果你問結咗婚嘅人會唔會同老婆離婚？唔會囉！」