女兒耳傷無恙 Eason自認奀皮入慣醫院
陳奕迅（Eason）前晚聯同何韻詩等藝人出席《功夫熊貓2》首映禮，Eason表示陪女兒康堤睇醫生後趕來，原來康堤因撞傷致耳仔腫起，但不用縫針，亦沒有影響聽覺。他透露女兒今次只是小意外，亦自爆童年非常奀皮，經常要出入醫院，視受傷是成長過程的一個階段。Eason席上亦代妻回應與Kevin Poon性感游泳一事，指不用理會這些報道，大家只是好朋友，今次亦非兩人第一次約會。
另外，性感到場的趙碩之被問到o靚模Jeana嘲其岩石胸，她即不甘示弱，反擊不懂何謂岩石胸，只懂分辨真胸及假胸，問到對方的胸部孰真孰假，她說：「唔評論！（好多人話佢假喎？）就算假都可以好靚，我睇女仔人品重要啲！（覺得佢周圍辣火頭？）佢唔怕熱咪OK囉！最緊要唔好燒親人，燒親自己唔緊要。」
