Baby懷舊海報添戲味

早前Angelababy拍攝電影《全球熱戀》，雖然她因身在北京準備拍新片而未能現身書展，但電影率先推出一批A、B兩款、一套五張的限量版海報。首次以20年代女星造型亮相的Baby，以Bob頭短髮及懷舊裝束拍攝，散發古典氣息，她說：「用咗兩個幾小時裝扮，感覺有啲不可思義！而且拍出嚟好有戲味。記得當時我跳住舞出場，仲特登學咗兩日懷舊舞步做準備。」至於另一款是以生果作點綴，身穿鮮花圖案長裙，她說：「條裙係珍藏品，造型師喺網上發現就二話不說將佢投落嚟，價值不菲o架！」

Baby的懷舊造型甚具20年代的女星風範。