汪圓圓開心價撐蔡加讚
有玩具大王之稱的蔡志明，其兒子蔡加讚旗下的「極速汽車」，昨晚在九龍城廣場汽車陳列室開幕。笑言自己是大客的蔡志明與老婆、女兒一同出席，其中蔡加怡更攜同男友Jeremy亮相，而霍震霆兒子霍啟山、蔡加讚女友汪圓圓及女星劉心悠亦到場支持。問到圓圓的酬勞？她笑說：「佢都係經公司同家姐搵我，開心價啦！如果我買車嘅話，佢哋會畀折頭我。（叫男友送？）我想自己賺錢買，但暫時未有心水，不過我喺香港都冇揸車。（男友揸？）係呀！」問到心悠會否叫圓圓介紹筍盤？她說：「今次先第二次見面，點會叫人介紹呀！」
另外，蔡加讚透露公司擁有近二百部汽車，投資逾億港元：「呢個係我嘅興趣，而且呢個行業有前景，但係都要睇個市。（會唔會送車畀圓圓？）可以傾吓！」當問到圓圓有關呂良偉有兩個女兒的傳聞，她說：「我淨係知佢有一個老婆，佢哋好恩愛！」
與汪圓圓（左）只見過兩次的劉心悠不敢叫對方介紹筍盤。
蔡加讚（右）旗下的汽車陳列室開幕，父親蔡志明專誠捧場。
Jeana（右）及Hidy擔任性感打碟女郎。