祖兒操肌變龜板 脫「毛」性感開騷

容祖兒將於下月在廣州舉行演唱會，因擔心歌衫不合身而要努力減肥，她笑說：「我唔似陳奕迅咁肥都咁有自信心囉！」

容祖兒（Joey）將於八月十三日假廣州天河體育場舉行《容祖兒演唱會Concert Number 6》廣州站，為隆重其事，Joey昨日特別在記者會上盛裝打扮現身。雖然首次在三萬多人的場地演出，但狀態大勇的她相信會比香港的十二場演出更加精彩：「今次係第一次唱戶外場地，我個人本身勁大汗，好怕會溶妝、流黑色汗！本來演唱會有好多毛毛衫都唔可以着，到時可能着番少啲，相對地性感少少囉！（操六舊腹肌？）我要拎番塊龜板出嚟！冇得唔減肥喇，歌衫真係會着唔落，我做唔到好似陳奕迅咁肥都咁有自信心囉！」

與阿詩台灣飯敍

對於有傳Joey上月生日時特地飛到台灣，跟好友何韻詩慶祝，她解釋二人並非同行，問到有否見面食飯？她說：「好似有嘅，咁大家都喺台灣，冇理由識都唔可以見吓啫！（送禮物畀你？）冇送呀！食餐飯算啦！」另外，有傳張栢芝將向謝霆鋒索取每月六百萬元贍養費，身為霆鋒好友的Joey表示不清楚：「張栢芝自己都搵到（錢），我覺得應該唔係啦！」