吳佩慈Dry爆 呻緣分差
自與Peter分手後，吳佩慈感情依然未有着落，問到最近緣分如何？她說：「好差！可能因為我唔畀機會人家，不過我覺得如果呢個人係屬於你，佢始終會出現，但我成日唔出街，好難！（怕畀傳媒影到？）都唔想囉！以前覺得講咗好啲，依家覺得對另一半會有壓力！」問到男友是否因此分手？她否認：「唔係！只係我畀佢太少時間，唔係一個好嘅女朋友，不過我哋依家成為最好嘅朋友，時時聯絡。」問到有否機會復合？她打趣說：「我依家箍緊牙唔好啦！（怕影響Kiss？）怕人家傷得重，死咗點算？」
提到鋒芝婚變，問到有否聯絡栢芝予以慰問？吳佩慈認為朋友之間最大的關心就是不要騷擾對方，希望大家不要給予壓力！問到會否替栢芝感到可惜？她說：「唔係每段美麗嘅故事都會有美好嘅結局，雖然全世界都覺得佢同霆鋒好相襯！（覺得佢係個貪錢嘅人嗎？）我覺得佢有自己能力賺錢，我唔相信有女明星會貪錢！」
騷胸的吳佩慈，肉光四射！