華哥入戲攞家輝命

張家輝為拍戲甘願變孱仔，刻下連搬傢俬都冇力，拍檔任達華卻直言會「趁佢病攞佢命」，稍後拍攝連串追逐戲亦絕不留力。

張家輝、任達華、王敏德及文詠珊（JM）等昨日出席周顯揚新片《大追捕》開鏡儀式，華哥即場化身攝影師，拿着攝錄機周圍拍下幕後花絮，至於患重感冒的家輝亦有出席，戴上口罩的他還於20樓露台爬梯讓記者拍照，專業精神可嘉。

連月來接受「非人道減磅特訓」的家輝，外形愈見接近角色，但體力相對地大減，他自爆在家中將傢俬移位亦力不從心：「好彩導演好好，諗住將啲重頭戲，包括肉搏、高空拍攝同追逐場面快啲拍晒先，等我可以早啲食番嘢。」

爛面漂鬚都抵

至於早前花四小時將鬚鬢漂白來配合神經質警察角色的華哥，雖然漂染過程令他劇痛無比，但他說：「劇本吸引，爛面都冇所謂。（同家輝拍動作場面留力？）唔會，趁佢病攞佢命。」由於角色情緒波動大，他透露打算稍後送囡囡往外地度暑假，以免嚇親她。

而JM今次一人分飾兩角，戲份甚重，她直言壓力大，難怪發言時答非所問兼口窒窒，大講「外星話」，但當得知家輝寄語她要珍惜機會，她即「回魂」賣口乖，請一眾前輩多加提點。