谷胸宣傳港男 呂慧儀抖唔到氣
鄭裕玲、陳敏之、呂慧儀和莊思敏將擔任《2011香港先生選舉》司儀，昨日她們出席記者會時宣布陳奐仁成為當晚首位男司儀。問到呂慧儀今年的衣着會否較去年性感，她說：「同上年差唔多，底線係唔會走光。我已經減咗十幾磅，希望到時唔會『跌Cup』，今日已經Push得好辛苦，抖唔到氣。」
同場的鄭裕玲說：「我唔係騷呢啲嘅，我係實力派，衫以靚為主。」陳奐仁透露若收視有50點，便穿泳褲示人。問到有否擔心當晚吃女司儀的「波餅」？他說：「我唔怕，但怕人哋介意啫！」此外，今年選舉設有男、女嘉賓評判席，由近700位應邀出席的各界男、女嘉賓組成評判團。監製衞世輝說：「係聽取咗意見啫！從善如流。」
呂慧儀要靚唔要命，谷胸谷到抖唔到氣。