許穎意識大膽玩盡胸牙脷

將出寫真集的「葛女郎」許穎除了大晒34D咪咪、咬唇、嘟嘴照外，更出口術伸脷「舔」高樓大廈，意識大膽！

許穎（Phoebe）形象性感前衞，經常不吝嗇大騷34D上圍，今年邀得日本攝影大師米原康正操刀拍寫真，大玩身體局部特寫的「肢解」概念，她說：「轉咗超多造型，好多都係即興，米原會突然間捉我埋一邊影幾張相，好考臨場反應！」

在最近曝光的寫真照中，除了指定動作S形甫士及力谷咪咪外，她更大玩「三寸不爛之舌」，但並非食雪條或咬香腸，而是在高樓大廈前借位伸脷，營造舔大廈的畫面，另外又拿着手機玩咬唇、伸脷，意識挑逗！她說：「都係想玩味重啲，感覺比較生活化，唔好諗多咗呀！」但她自讚「舌功」了得，識捲脷及將脷打圈，問到前男友有否激讚？她竟突然變怕醜：「哈哈！唔話你知！」

寸Jeana驚輸

對於勁敵何佩瑜（Jeana）及余曉彤（Hidy）搶先推出寫真，Phoebe企硬於下周三書展開鑼日才出書，更表示未驚過，並寸嘴說：「佢哋係咪驚輸？所以要搶住出呀？想早不如年頭出吖！」又自信地表示自己寫真的一日銷量等於對方賣十日！