錢嘉樂讚力量無限

無綫節目《功夫新星》前晚首集錄影，與MC Jin一起擔任司儀的錢嘉樂剛與謝霆鋒在馬來西亞拍完電影返港。他說：「佢十五歲我就識佢，睇住佢大，佢拍動作片好有拚勁。（家事有冇影響到佢？）佢好專業，我同佢冇傾呢啲嘢，都係傾功夫。（唔敢問？）唔係唔敢，係錫佢先唔問。」他又透露曾為霆鋒擔心，因對方拍戲時有較多危險動作。霆鋒返港後沒有休息，拍廣告時繼續做出連串動作，嘉樂大讚他有無限力量。

對於被指攬女，嘉樂說：「一睇就知係假啦！（仲係同湯盈盈一齊？）仲係，好似係，但又唔會認嗰隻囉！講到咁白仲唔放過我？」

與惠英紅及MC Jin一起錄影的嘉樂（左）受訪時，大讚霆鋒專業精神可嘉。