黃貫中開騷樂迷勁High

黃貫中（Paul）前晚與其樂隊The Postman在中環開騷，400樂迷High爆捧場，Paul表示九月推出新碟，問到向來關心政治的他會否以之為題材，他說：「其實我一啲都唔政治，只關心身邊人同香港人，以小市民身份出聲，唔係搞對抗，女友都好支持。（要去內地工作唔敢講？）我都係人，都驚坐監，但唔可以因為驚而唔做，如果係唔會玩搖滾！因為搵錢唔出聲，咁做就唔係黃貫中！」他笑指坐監都可以寫歌，最緊要對得住良心。