讚有滄桑「魅」 張婉婷斟演戰後戀曲
影壇最佳情侶檔張婉婷與羅啟銳創作不少好劇本，如《歲月神偷》揚威香港及海外。據知，兩人今次找霆鋒商談的劇本，是圍繞四、五十年代的愛情故事，暫定英文名《Traces of dragon》。原來劇本剛寫好時，兩人未想過找霆鋒參演，因覺得他太後生，人生閱歷未算豐富。不過，霆鋒近年面對不少風浪，透出一股滄桑味，故讚他很適合劇本角色，更專誠到其公司傾劇本，霆鋒亦承諾考慮後會盡快答覆。談到霆鋒的心情，張婉婷說：「好叻！我係佢都唔知點，好佩服佢！自己有啲情意結，都想佢哋兩個冇事。（新戲幾時開工？）大約在冬季。」
記者等候霆鋒期間有一段小插曲，下午二時許，女星詩雅突然現身霆鋒公司樓下，還八卦為何有大批記者，得悉是等候霆鋒後即如夢初醒地說：「乜霆鋒喺上面咩？」搞笑的是，原來她不知同屬英皇的霆鋒在該處開公司。當霆鋒離去時，詩雅又於同一時間離開，認真「咁啱得咁蹺」。
張婉婷與羅啟銳找霆鋒商談合作，拍攝講述戰後愛情故事的電影。
詩雅路經時見大批記者等候，嚇到Ｏ嘴！