殺入旺角吸客 傅穎撼JC輸凸

傅穎（Theresa）與名模Jessica C.昨日分別殺入旺角鬧市出席公開活動，Theresa身穿掛頸Tube Dress力撼以小背心熱褲上陣的Jessica C.，二人均吸引大批市民圍觀，可惜Theresa「峰」頭不及Jessica C.而輸了一仗！

身穿掛頸Tube Dress的傅穎昨日到旺角為新書推出的Apps造勢，她是繼周秀娜後第二位推出Apps谷書的藝人，即將跟娜姐正面交鋒的Theresa相當謙遜：「佢出寫真，我出書教人化妝、美容同揀內衣，大家路線唔同，要睇三點式梗係睇娜姐啦！」發生過短裙被怪風吹起事件的她笑言今次不會走到天橋宣傳：「大家千祈唔好帶風扇嚟！」而穿着背心熱褲的Jessica C.則揚言已學識打Boxing，故不擔心旺角人多。她又自爆曾在酒吧被人摸Pat及背脊，她即怒睥對方：「不過都有可能係人哋唔小心，我依家去親酒吧只會企埋一邊！」

Jessica C.拒男友護花

問到為何不叫男友保護她？她說：「佢會呷醋，為咗保護我而同人嘈交！」對於早前有模涉被模特兒公司欺騙及非禮，Jessica C.說：「希望件事係假，做模特兒要都要有尊嚴！」