阿佘自認海鮮價

佘詩曼約四萬元的出騷價曝光，EQ高的她卻自稱屬「海鮮價」。在新片中更與羅仲謙上演一幕車震，不過何佩瑜（Jeana）則向阿佘「宣戰」，公開向謙仔「示愛」。

佘詩曼昨日與羅仲謙、Jeana、傅嘉莉及蔡穎恩等在奧海城出席電影宣傳活動，性感Jeana不時俯身露Deep V，玩遊戲時更與謙仔用身體夾爆波，成功搶鏡。而阿佘「處女下海」，即先後與謙仔於車內親熱，並與方力申拍攝床戲，大感新鮮。

陳志雲涉貪案日前開審，阿佘書面供詞稱出騷價至少四萬元，當日的「問題活動」舉行地點正是奧海城。問到阿佘「舊地重遊」感覺如何，她說：「件案仲審緊，唔方便講呢件事。（有冇同陳總聯絡？）唔方便同佢、同其他證人接觸，希望案件快啲完，大家都冇事。」

阿佘表示即使身價被公開也不覺尷尬﹕「其實我係『海鮮價』，呢個係參與價嚟啫！依家都加咗少少。」

另一邊廂，謙仔與Jeana玩用身體夾爆波，卻十分腼腆，事後Jeana大方向謙仔「示愛」﹕「自己鍾意啲高大大隻嘅，佢好啱我條件，暫時未有佢嘅電話。（主動追對方？）遇到鍾意嘅，我會大方畀啲Signal對方，等對方採取行動。（謙仔好搶手喎！）如果我係佢女朋友，我好有信心可以箍得住佢！」

Hidy暗寸僭建

而Jeana及同經理人公司的Hidy推出寫真集，造型正式曝光。Hidy前晚出席公開活動，竟寸爆Jeana說：「想介紹佢去學潛水，佢平日口沒遮欄，潛水可以令佢Cool Down。」她又暗示Jeana「僭建」﹕「我識得分真胸定假胸，但唔講佢真定假，總之我唔鍾意太大，落水會有負擔，唔係真嘅（胸部）會沉、會爆呀！」