Eason廣州簽名粉絲逼甩毛

陳奕迅（Eason）昨日到廣州為新碟舉行簽名會，吸引大批Fans捧場，他除借相機拍下墟冚場面外，更單腳企與粉絲合照，期間有粉絲更留下假眼睫毛！

昨日Eason在廣州為新碟舉行簽名會，吸引2千名粉絲支持，逼爆商場。他即問大會攝影師借相機拍下壯觀場面，一向鬼主意多多的Eason更擺出「金雞獨立」甫士與粉絲合照。當粉絲見到Eason便大叫其花名「吹神」，並要求他唱歌，惟因時間緊迫，Eason只好清唱《IQ博士》，但仍得到粉絲拍掌叫好。他擔心時間有限未能簽妥所有唱片，故表明只會簽名，不會寫上粉絲名字。

請食飯賀Karen封后

簽名會後，竟執到粉絲留下的假眼睫毛！Eason透露稍後會到內地繼續巡唱，但本月27日牛一的他，已向公司請假兩星期：「每年都會請假同囡囡、老婆去旅行，難得我哋三仔乸一齊放暑假，去邊就由老婆安排！」

此外，前晚Eason為捧莫文蔚（Karen）的演唱會而提早到廣州，問到是否Karen宣布結婚後首次見面？他說：「唔係！之前有同Karen食飯，本來佢想請我、伊健同蘇永康，但梗係我哋請佢啦，賀佢拎金曲歌后嘛！」Karen首次到廣州開演唱會，即將出嫁的她不擔心未婚夫呷醋，穿上多套性感歌衫，當中以鑲有閃石的肉色舞衣最性感！她唱出由謝霆鋒所寫的《透視》，贏得全場掌聲。

而鍾鎮濤、范姜及劉鎮偉等亦是當晚的座上客，Karen在台上公開感謝劉導演：「因為當時就係佢搵我拍《西遊記》，畀我有一個好好嘅演出經驗。」Karen又表示下月在台灣舉行的個唱，請來多位好友支持，雖然未知未婚夫會否捧場，但她稱當晚定是最幸福的女歌手。