陳偉霆鍾舒漫力撐師兄
鍾舒漫（Sherman）和陳偉霆（William）昨晨以建屋大使身份參與慈善步行，在烈日當空下，兩人熱到大汗淋漓，William笑言忘記搽防曬，曬得一身古銅肌膚的他即將到蒙古拍戲，已做足心理準備，因女友蔡卓妍在內地拍戲也曾中暑，他說：「我會小心，男仔抵抗力好啲，呢排日日去滑水慣咗曬。」戲中他有騎馬鏡頭，屆時他要即學即騎，更笑言會頂硬上。對於師兄謝霆鋒返港搞離婚，William說：「無論點絕對支持佢。」Sherman則說：「畀啲空間霆鋒就當幫手，始終係人哋家事。」
Sherman透露將於下月到內地幫手起屋及參與維修工程：「可以親身幫手起屋係好好經驗，感覺實在。」即推出新書的她表示未知會否抽中籤可在書展會場內搞簽名會，今次在新書中她繪畫了17幅畫，問可有畫自己？她笑說：「冇，咁尷尬，畫自己通常會美化啲。」
William和Sherman昨晨參與慈善步行，熱到大汗淋漓。