祖兒跑步改路避鋒頭
謝霆鋒好友容祖兒前晚為節目錄影時獻唱新歌《13點》，她表示近日忙為演唱會練歌及做運動練氣，問到會否找霆鋒一起跑步？她表示平日練跑時亦有途經對方寓所陽明山莊，並笑說：「我都係受害者！依家附近多咗好多記者，搞到我要改路線！」
祖兒表示向來甚少與霆鋒聯絡，但希望對方先處理好個人事務，問到會否怕被指是「小五」（第五位情人）？她即笑說：「估唔到我都有咁嘅福分？不過唔會啦！」
同場的高海寧則身穿性感舞衣跳舞娛賓，再騷強勁上圍。至於早前跟黎諾懿及翟威廉傳緋聞的陳庭欣表示感情生活平淡：「依家多嘢做，未有心水。（點睇今屆港姐？）最近好似少咗是非。」她又表示今日將從佳麗中揀選旅遊大使，自己亦心情緊張。
忙為個唱準備的祖兒，笑言為避「鋒」頭而要改練跑路線。
高海寧身穿性感舞衣，大晒驕人身材。