思琦拉鏈嘴保護新歡

楊思琦狠撇李泳豪，更被本報踢爆新歡是前跳水隊名將吳帥，昨日她現身拍攝場地，被問到與新歡的關係，思琦說：「唔回應。」

楊思琦狠撇相戀九年的男友李泳豪，有指她因「有喜」而與豪仔斬纜，昨日本報更踢爆思琦新歡是前跳水隊名將吳帥！二人被指於08年北京奧運擦出愛火花，還有網民於網絡瘋傳思琦偕母親及吳帥行街的照片。閉關多天的思琦，昨午到太子趕拍無綫節目《寵愛有家》，記者問到是否「有喜」及因Andy而與李泳豪分手時，她沒有回應，但仍面露微笑。她又否認向無綫請假：「我冇告假。（係咪想結婚？）唔回應呢啲問題。」思琦約四時許離開，記者再三追問她與吳帥的關係，她只拋下一句：「我唔回應。」

醉酒傳失蹤

至於前晚與父親李家鼎出席《拳王》慶功宴的李泳豪，被傳整晚借酒澆愁及一度失蹤。記者向泳豪求證，他表示自己沒有失蹤，只是跟車隊朋友開會。問到是否飲醉？他說：「慶功開心咪飲多咗囉！千祈唔好誤會借酒澆愁。（睇過新歡相？）唔講啦！（仲有冇嬲？）慶功宴答咗啦！唔回應啦！」泳豪孖生哥哥李泳漢，則指豪仔前晚回家時一身酒氣：「隔幾個身位都聞到，佢情緒好失落，嗰晚一沖完涼就瞓。」他續稱豪仔最受刺激是看到思琦與新歡的照片：「見到佢哋咁Sweet好o架，所謂寧知莫見，再加上思琦媽笑到四萬咁口，佢真係非常難受。」

樂易玲早知分手

此外，無綫高層樂易玲昨日出席活動時表示，早知道思琦與豪仔分手，因為曾志偉曾經邀請二人到日本拍攝節目，當時思琦表示已分手，問到豪仔是否「詐唔知」，她則表示冇回應，她又透露思琦性格硬頸，曾為了泳豪而拒拍接吻戲。