吳卓羲陳展鵬合照面左左

吳卓羲（Ron）、陳展鵬、陳茵媺及蒙嘉慧等，昨日齊集電視城為新劇《ATF反恐》進行開鏡拜神，雖然Ron與陳展鵬異口同聲否認不和，但合照時明顯面左左，眼尾都唔「睄」對方！

文：影視組

無綫新劇《ATF反恐》昨日開鏡拜神，Ron、陳展鵬、蒙嘉慧及陳茵媺以劇中造型亮相。傳不和的Ron與展鵬雖然大方合照，但全程面左左，其後二人索性邀陳茵媺企中間，務求「睇佢唔到」！

對於有傳Ron不滿展鵬備受力捧，兩幫粉絲更在網上罵戰，展鵬否認屬實：「我同Ron好Friend，佢個人好真好直！（上位快？）我入行17年，咁都叫快？咁多年都冇人寫，可能咁啱有劇上啫 ！」他並否認靠冧高層曾勵珍上位。至於Ron雖然表示與展鵬「Friend底」，但問到雙方有何話題時？他竟指二人的話題只限工作。談到粉絲不忿他遭無綫忽視，Ron說：「冇話捧唔捧，Fans都唔使咁大反應！（展鵬有後台？）我冇o架！做好本分就得，有後台都冇用！」

李司棋裸露冇蝕底

此外，患重感冒的李司棋，對於在劇集《真相》中遭拍裸照的場面被網友評為「重口味」，她坦言只是意識大膽，絕冇「蝕底」：「我咁多年都冇拍過咀戲，導演問我裸露尺度，我話係腳趾！哈哈！」