查小欣斥：點解搞到顛沛流離

早前曾爆鋒芝婚變內情的查小欣，昨日在節目中提到有傳栢芝將叫家姐戴碧芝帶一對囝囝到泰國時，她力斥：「細路仲係咁細，點解要搞到顛沛流離咁？所謂稚子無辜，希望唔係用呢個方法去阻止霆鋒見一對囝囝！」她更播出五年前鋒芝剛復合時的電話訪問，栢芝當時對鋒芝關係非常有信心：「就算傳媒、相士、朋友都話我唔係好女人，我都唔驚！因為謝霆鋒就算信晒呢啲人嘅說話，佢都堅持同番我一齊，好難搵到咁樣嘅一個男人，希望我哋可以一齊Fight For將來，就算佢有咩事，我都一定喺佢身邊！」

至於查小欣昨日出席鑽飾新店開幕活動時表示，知道霆鋒昨日已返港及回公司，但沒有聯絡對方：「唔想打擾人，人哋都好煩，冇搵任何一個。（話拉姑以淚洗面？）冇安慰，唔想打擾人，只傳過短訊畀佢，但冇覆。（覺得小朋友跟拉姑係咪最好？）人哋家事唔畀意見。」

而同場的霆鋒契妹杜如風透露，栢芝和霆鋒都對自己很好，希望雙方不用離婚，令小朋友可以在完整的家庭中成長：「冇當連續劇咁追，希望冇事，如果霆鋒想呻會打畀我，會默默支持佢。」