昨日微博流傳法師談及謝霆鋒及張栢芝未來的文章，法師讚霆鋒敬業勤奮及搏命，年幼出道的他在噓聲中成長，現時將噓聲變成掌聲。陳偉霆（William）轉載文章，並讚師兄霆鋒夠「堅」：「堅強堅持堅定，無堅不摧。」
至於William昨日出席活動時，希望大眾給予鋒芝多點空間：「每日新聞都層出不窮，又有唔同版本，最支持就係唔好講咁多！」此外，他自爆女友蔡卓妍在蘇州拍戲期間中暑，心痛萬分的他更計劃遠赴當地探班：「希望呢幾日有假飛過去啦！阿嬌（鍾欣桐）都想過去，仲可以約埋一齊！」
William希望大眾給予鋒芝多點空間。
