謝婷婷氹媽咪攬錫打氣

「未來妹夫」安志杰昨日陪同霆鋒返港，他晚上與謝婷婷出席活動時力撐霆鋒是好爸爸，但提起栢芝即兩度語塞！婷婷則不清楚Lucas和Quintus身在何方，但拉姑終日以淚洗面，她只好攬錫氹媽咪！

謝婷婷昨日佩戴200多萬元的鑽飾，與男友安志杰、查小欣和杜如風在銅鑼灣出席Van Cleef & Arpels新店剪綵活動。由於天氣太熱，婷婷見安志杰滿頭大汗，即用紙巾為他抹汗，表現恩愛。

婷婷坦言未有與哥哥霆鋒聯絡，對一對小朋友不敢過分關心，擔心造成太大壓力，希望事件能慢慢解決。有傳栢芝將帶Lucas和Quintus到加拿大生活，像小人球般居無定所，婷婷認為不是好事，覺得小朋友應在安定環境下成長，但同時認為兩兄弟適合做娛樂圈，她說：「成日飛嚟飛去，佢哋都開心嘅。（又有傳栢芝帶小朋友去泰國？）做乜呀？如果去學游水或增值都係好事。但我唔會畀意見，等哥哥諗啦！（霆鋒今次返港簽離婚書？）香港係佢嘅家，拍完咪返嚟囉！佢仲要拍廣告。」

讚霆鋒好Daddy

婷婷承認媽咪拉姑為鋒芝婚變終日以淚洗面，她說：「攬吓同錫吓佢，講多啲開心事畀媽咪聽。（一家人會上陽明山莊撐阿哥？）唔知呢啲，我哋各有工作，小朋友依家喺邊都唔知。」

對於有傳霆鋒返港後會與栢芝簽離婚書及分配身家，與霆鋒同機返港的安志杰表示不知情，強調與對方在飛機上只談打機，問到霆鋒有否掛住小朋友？安志杰巧妙地說：「霆鋒係好Daddy、好男人、好堅強同好聰明嘅人，總之唔係好人我唔會同佢做朋友。」至於栢芝是否他的朋友？他即語塞：「好耐冇聯絡……」再追問栢芝是否好媽媽？他又窒一窒才說：「佢應該係一個好媽咪，每個媽咪都關心自己孩子。」

採：影視組　文：專案組