Chok鋒爆粗動武趕「鬼」

霆鋒昨日返抵香港處理家事，陳奕迅（Eason）、楊千嬅與梁漢文（Edmond）前晚舉行拉闊音樂會，以好友霆鋒的Chok為話題，為現場帶來一陣笑聲。而經常與霆鋒打機的郭偉亮與女友葉佩雯捧場時，更特別戴上印有「精疲力竭」意思字句的帽，未知是否代霆鋒發聲？前晚千嬅老公丁子高與母親及楊父楊母、何韻詩、容祖兒、蘇永康與女友等均有捧場，三人獻唱之餘，又在台上大擺甫士，Eason說：「點擺都唔夠林峯Chok。」千嬅則反駁指霆鋒才是最Chok，Eason亦和應：「佢一走出拉姑（狄波拉）嗰度已經Chok緊。」你一言我一語取笑霆鋒的Chok神稱號！

其後，千嬅踢爆初出道與霆鋒及Eason出埠工作時，在酒店房遇「鬼怪」：「大家傾傾吓，間房啲燈係咁閃，阿仔（霆鋒）話要惡同兇過佢（指鬼怪），於是不停爆粗同打功夫，當時我好驚，以為佢鬼上身，即刻Call埋隔籬房工作人員入房。」另外，一直有傳會離開環球唱片的Eason，今日會出席在半島酒店舉行的續約記者會，粉碎謠言。