拉姑痛入心崩潰嚎哭

鋒芝爆婚變後，霆鋒母親狄波拉（拉姑）屢受負面新聞攻擊，更因兩個月沒有見乖孫Lucas及Quintus而終日以淚洗面！傳出兩位孫仔將被帶往泰國後，拉姑即情緒崩潰，心痛哭訴：「點解帶走兩個孫！」

在鋒芝風波中慘成磨心的拉姑，除被指是今次婚變的幕後策劃外，又被傳指使查小欣在電台節目中爆料及掌摑新抱栢芝等，面對外間種種謠言及無理指控，她大感心痛，但因她認為霆鋒已大個仔，相信可以好好處理家事，又擔心發言會為他增加麻煩，故只好將所有冤屈往肚子裏吞。

傳被帶往泰國

據知，連日來深居簡出的拉姑，除擔心霆鋒的心情外，更擔心兩個寶貝孫的處境。對於突然有傳栢芝將叫姊姊戴碧芝帶Lucas及Quintus到泰國，拉姑忍不住心痛，向身邊好友哭訴：「點解帶走兩個孫？」說畢更崩潰嚎哭！不過，她有感現階段不方便插手，只好「啞子吃黃連」，每日祈求兒子及新抱以乖孫的幸福為大前提，盡快解決事件。

四哥繼續封嘴

至於謝賢（四哥）雖表示不想插手霆鋒婚姻，但據知昨晚已前往探望孫仔，不過昨午記者致電他時，他卻封口不談：「我全部嘢都唔會答，話咗唔會參與呢件事。（會唔會搵霆鋒或者打畀佢？）我都唔會話你知啦！收線喇！」