芝媽返港陪愛女應戰
早前飛往加拿大的栢芝媽昨日「回歸」香港，相信是加入戰團，為女兒打氣！記者昨午致電栢芝媽，她在電話中承認身在香港，並與栢芝一起：「我今次係返嚟陪個女，其他嘢唔會評論！（栢芝有冇問你意見，點樣處理今次件事？）佢呢方面好叻！（有冇信心栢芝可以處理妥當？）好有信心！（知道栢芝之前拍戲辛苦到嘔？）我知！呢段時間屋企發生唔開心嘅事，所以身體先有事，唔舒服囉！（陪佢睇醫生？）得o架喇！有安排！（兩個孫嘅讀書問題？）依家咁亂，我唔想評論咁多！」語畢便匆匆掛線，但她講電話時不慍不火，非常有禮。
