Twins 做番學生妹卜卜脆

Twins日前拍攝新專輯封套及靚女相，為慶祝入行十周年，兩人重拍十年前的學生Look，穿起校服似足學生妹，工作人員激讚保養得宜，似是吃過「防腐劑」。

女子組合Twins不經不覺入行十周年，期間獲獎無數兼賺到盆滿缽滿。為慶祝入行十周年，Twins將有連串搞作，日前阿Sa（蔡卓妍）與阿嬌（鍾欣桐）為全新國語專輯《3650》拍攝封套及靚女相，主題大玩「回憶」，重拍十年前的經典校服Look！

重拾少女情懷

雖然找不到當年的校服，猶幸有形象指導幫忙，拍攝過程順利。孖妹現時女人味爆燈，但穿起校服後卻出奇地合適，舉手投足與現時的學生妹無異！阿Sa笑說：「好耐冇着過校服，起初有啲壓力，仲要擺番當年嘅表情同甫士，好彩效果好好，仲重拾少女情懷。」阿嬌則說：「睇咗好多舊相，發覺校服同運動服造型係我哋入行後嘅標記。」

拍攝當日，不少工作人員驚嘆Twins的校服年輕造型，笑言兩人吃了「防腐劑」，樣貌與身形可以十年如一日！Twins聽到讚美聲音即飄飄然，還笑說：「終於安樂晒！」