黎諾懿跳到骨裂爆冷做舞王
賽前不懂跳舞的黎諾懿，「爆冷」奪得在湖南舉行的《舞動奇迹3》跳舞比賽冠軍。榮登「舞王」的黎諾懿與同參加比賽的許家傑，在將軍澳電視城舉行祝捷會，高層樂易玲和王君馨到賀。
黎諾懿表示兩個半月的比賽過程相當辛苦，中段更骨裂，要負傷上陣：「去到第六、七周骨裂，腳腫到連鞋都着唔到，以為比賽止步。傷勢到依家仲未好，等拍完《ATF反恐》要做手術清理碎骨，頂到嘅。」問到日後會否向跳舞方向發展？他笑言想「掛靴」：「年紀大，參加比賽整到周身傷痛，試過連瞓覺轉身都痛，好辛苦要休養吓。」
而許家傑決賽時，跳舞拍檔因受傷而臨時換舞伴，令舞蹈底子比黎諾懿好的他只能奪得季軍，他說：「我以為應該係我請黎諾懿食飯，點知依家係佢請我，但佢的確好用心反覆練習。」
王君馨與黎諾懿（左）及許家傑即席比「舞」。
王君馨（左起）和樂易玲賀黎諾懿和許家傑等奪獎。