的骰糖妹守龍門面中波餅
糖兄妹成員黃山怡（Kandy）昨日出席足球活動，自爆曾經擔任守龍門，礙於身高問題，經常面中波餅，認真可憐！
糖妹及前港足球星山度士昨日獲邀為adidas車路士球會珍藏展揭幕，身為車路士球迷的她身穿波衫，跟現場的小朋友大玩遊戲。糖妹坦言雖然自己身材細細粒，但曾經是女子足球員：「我讀小學嗰陣有個足球場，好多機會同班男同學一齊踢波，不過控波唔叻，淨係負責守龍門，人哋正常守龍門就會中腰或者肚，唔知點解我會成日中面囉！勁慘！」
搵「藍」朋友
糖妹坦言十幾歲的細佬熱愛足球，希望幫細佬報名參加訓練班，跟車路士著名球星林伯特學踢波，自己乘機追星，問到會否找個足球員男友？她說：「唔一定要踢波，可以教睇波囉！因為好多球例嘅嘢，我都唔太識！其實呢排我同藍色好有緣，代言多啦A夢衫，又幫電影《藍精靈》配音，今日嘅波衫又係藍色，真係要搵個『藍』朋友先得！」
曾任守門員的糖妹，礙於身形關係，經常面中波餅！
糖妹與小朋友大玩足球遊戲。
糖妹拿着印有其英文名的球衣，興奮莫名。