佘詩曼賺夠「麵包」尋真愛
佘詩曼昨日到澳門擔任腕錶品牌Jaquet Droz新店開幕嘉賓，同場還有黃德斌、名模Jocelyn及楊洛婷等。身穿紅色露背吊帶裙的阿佘透露，家藏十多隻名錶，最貴達六位數，全靠自己的血汗錢購買：「有人送錶畀我，但嫌太貴冇收。（有指你送錶畀吳卓羲？）你查清楚先講。」
提到楊思琦與李泳豪分手，阿佘也大感可惜，認為分手總有原因，問到有傳思琦「有喜」？她反問：「係咪真o架？係真當然恭喜佢。（傳佢結識內地富商？）我唔知。（你揀愛情定麵包？）我有『麵包』，所以會揀愛情。（試過有男友但又有追求者？）試過！盡量以唔傷害人為大前提。」正與李泳豪拍劇的黃德斌，指對方有少許情緒低落。
佘詩曼與黃德斌擔任開幕嘉賓，有講有笑。（林楠澳門傳真圖片）
