鋒芝婚變除牽涉謝霆鋒、張栢芝及兩名兒子外，狄波拉與謝賢（四哥）也牽連其中，連日來都受到大眾的關注。而昨日有消息指霆鋒將於本月八日由吉隆坡返港見兩名兒子，本報記者就消息致電四哥，問到會否與霆鋒一同跟兩名心愛的孫仔見面？他語帶無奈地說：「唉！你哋唔好再問呢啲問題喇！我都唔知點答你好。佢就算係見都唔會話畀你哋知啦！係咪？博影相咩？唔通佢做咩都會話畀大家知咩？唔好成日再問呢啲嘢喇！好冇？唔該晒。」
