顧住扮靚「遺忘」囡囡 Ada產後升Cup復出

產後的蔡少芬（Ada）昨日首次出席銀行活動，並以連身裙及高踭鞋示人，大晒收身成果。因餵母乳而上圍豐滿不少的她，笑言沒有計算升Cup多少：「恨咗着五吋高踭鞋同扮靚好耐。（收身成功？）OK o架！某啲部位仲大咗添！好多朋友都問我係咪真係有生到？」問到離家工作，有否掛念囡囡，Ada笑言因掛住背稿及扮靚，無暇想起寶貝女，對於「潮媽」陳慧琳曾揚言會趁兒子睡着才搵銀，Ada自言做不到，又大讚老公張晉是湊女能手，故放心接Job搵真銀，但卻為囡囡推了不少工作：「因為餵母乳，推咗幾套劇，好可惜！」

踢爆吳啟華「走數」

對於張晉早前曾勸她洗頭，Ada揚言唔覺自己臭：「坐月冇得洗頭沖涼，齋抹身，不過有冷氣同冇出街，都OK！」又自爆目前靠捱眼瞓來Keep着葫蘆身形。她透露囡囡出生前已收到不少利是，故一早為她開設戶口，又搞笑踢爆老拍檔張家輝及吳啟華「走數」：「佢兩個搵藉口唔畀，下年要佢哋畀Double！」