碩之讓球反擊DaDa寸無聊

今年寫真戰7．20正式爆發，各o靚模卻連申請入會展都嫌麻煩，索性自度奇招谷書。周秀娜師妹何佩瑜（Jeana）擺下寫真擂台P撩鬥波，陳靜（DaDa）嫌無謂，趙碩之則中空裝還擊。

書展寫真戰可謂o靚模界盛事，有份推出寫真的皆「磨拳擦胸」諗計出位。可惜，自貿發局勒令禁o靚模到書展作出位宣傳後，今年各模索性扭盡六壬出招自救谷書。

「翻版范冰冰」Jeana不僅寸爆對手，連貿發局也不放過，暗寸有關方面扼殺她們為寫真做宣傳：「我都費事入紙申請，嗰度咁鬼逼，又多多限制，我使靠佢哋咩？我會搵大嘅地方做宣傳，玩盡海陸空，仲會比書展更加早出書！」

寸人唔使本的Jeana愈寸愈盡，還透露會搞寫真擂台，更廣發英雄帖撩同樣出寫真的DaDa（陳靜）及趙碩之等開P，大玩健康運動，切磋乒乓球技，她說：「我搞呢個寫真擂台P純粹係友誼第一，比賽第二，只係想同今年有份出寫真嘅女仔開Party傾吓偈，切磋一下。不過如果佢哋想比賽第一都冇所謂，我一樣奉陪。」

而再出寫真集的趙碩之，陸續有噴血相「滲」出造勢，相中的她雖以西裝褸中性打扮，但在街頭真空露半球拍攝，性感非常。對於入書展與否，碩之說：「唔入紙申請喇！會展地方都唔夠，限制又多，我覺得大會配合唔到我囉！就算入到去都未必受到尊重，會另搵地方搞簽名會。」

Hidy隨時等踩場

DaDa則說：「無謂搞對抗，所以我哋會喺旺角搞兩日簽名會，同Fans作零距離接觸。」對於Jeana擺寫真擂台P，問可有膽量應戰？DaDa暗寸對方無謂：「唔係夠唔夠膽嘅問題，係有冇需要？個個女仔特質唔同，點比？同埋贏咗有乜獎先？」而昨日她夥師妹「爆E超蓮」Iris出席糖水店開張活動，亦再暗寸Jeana：「佢平時嘅言論都係劇情需要，唔想加以評論，費事加入罵戰之中。」

另外，與Jeana同門的余曉彤（Hidy）亦表示沒有申請入書展，但已打聽誰會搞簽名會，以便屆時帶同寫真踩場。