福祿壽戴凸製護陰 打大隻佬

張可頤罕有性感出席公開活動，卻被「激凸福祿壽」王祖藍、李思捷與阮兆祥搶鏡。三人將「犧牲色相」挑戰大隻佬，希望藉此搶奪暑假票房。

王祖藍、李思捷與阮兆祥昨日身穿「激凸」擂台裝，出席新片《勁抽福祿壽》煞科記者會，同場還有陳美詩等女星，其中思捷更戴上「護陰囊」，即被曾志偉取笑：「改名叫《現袋福祿壽》啦！仲要係硬添！」祖藍則表示有苦自己知：「諗住今日見記者，所以冇『護陰』啫！戴住嗰舊嘢好辛苦，好似女人戴胸圍咁，唔舒服。」

張可頤遭掌摑

片中三人要與昂藏七尺的真正拳擊手對打，祥仔打趣說：「喺佢哋身邊，我都變咗『奀仔』！」飾演志偉舊情人的張可頤亦絕不好受，日前拍攝一個被拳擊手推撞的鏡頭，又遭王小鳳掌摑：「大隻佬只係輕力推撞我，即刻覺得滿天星斗。」提到要色誘志偉，可頤即大賣關子，叫大家買票入場欣賞。

另外，剛從日本返港的志偉，狂掃貨振興當地經濟，需空運六箱行李返家：「因為開始減價，買完又買，仲去吃喝玩樂，計埋騷錢起碼倒貼十幾萬！」