楊思琦累男友人變「新歡」

疑似楊思琦「新歡」的Andy Ng昨日曝光，被指與思琦家人熟落，又能自由出入其清水灣半島新居，連日「唔回應」的楊思琦否認該男子是「新歡」：「係同學，識咗好耐，屋企人都識。（對方有住戶證？）唔係。（「新歡」Andy都係同學？）總之唔係佢，個同學畀人影完，今日（昨日）有同佢聯絡，仲畀佢話：『有冇搞錯呀？話係我，唔知好嬲定好笑。』依家多人跟，怕冇朋友。（對方有女友？）唔講人哋私人事。」她指該相片攝於5月中，並不欲多談懷孕傳聞。

而李泳豪則表示未見過該男子，問到此人可出入思琦新居？他說：「唔肯定嘅嘢唔回應。（你去過新居？）一次都冇，搬屋都冇幫手。（思琦叫唔使幫？）唔係，自己忙拍劇。」