林欣彤靠歌藝平反
小巨肺林欣彤昨日與陳庭欣、高海寧及王苑之等出席《明愛暖萬心》記者會，談到新歌《洗澡》被網友批評歌詞露骨及不濟，她表示喜歡歌詞：「都唔算露骨！只係講失去咗愛人後，自己沉醉喺一個充滿愛人痕迹同氣味嘅世界，惟有演繹得好啲等觀眾接受！（試吓填詞？）都想。」而早前被拍到與翟威廉翹手行街的陳庭欣被問到可有繼續與對方聯絡時，她說：「有，大家都係朋友，唔會唔聯絡。（緋聞更加撻着你哋？）朋友啫！不過依家單身畀人寫，總好過有男友時畀人估估吓。」至於王苑之稍後會探訪明愛旗下的老人院，她為香港老人居住在狹窄環境而心酸，又透露會於節目當晚演唱葉德嫻的《幸運是我》。另外，鄭欣宜昨日於另一活動上表示，林欣彤唱歌好聽，亦很喜歡她。
陳庭欣（右起）、林欣彤與張秀文一同現身。
衣着密實的高海寧出席記者會。