52隻粉絲錫住甩 周秀娜出啤任鋤

今年避戰寫真戰的周秀娜除了以手機App谷人氣外，參演的沙排電影《熱浪球愛戰》亦將上映，電影公司推出一系列紀念品包括撲克牌、文件夾、扇及紙巾等引觀眾，當中最吸引的可算是撲克牌，牌上印有主角娜姐、傅穎、Jessica C.及其他女演員的泳裝照，男主角羅仲謙亦半裸晒巨胸，讓Fans可大玩甩牌及鋤啤解悶，無論眼或手都過足癮！娜姐對於此舉大感興奮，表示大家可將她們「甩來甩去」，但記緊憐香惜玉：「呢個Idea幾好，去到邊鋤（Pair）到邊，可以帶住我哋玩鋤大D、潛烏龜，但玩冚棉胎時唔好咁大力打我呀！」52張啤牌中，娜姐出現次數最多有9張，更霸實最大的葵扇A，明顯最得寵，傅穎及JC則各有8張，四位監製及導演亦不執輸佔據四條2，玩鋤大D時最大。

另外，將於書展出書的傅穎日前接受有線訪問時表示，不怕被一眾波女圍攻，她自信地說：「我唔係身材好勁咁見人，所以大家唔同類型。」她表示新書是繪本式散文，以雜誌形式介紹資訊，而提起緋聞男友羅仲謙時，她即扯開話題。