李嘉欣愛子心切 唔准小JM做童星

大美人李嘉欣自年初誕下兒子小JM後，已迅速重投工作。當一眾Fans都期望看到他們母子檔演出之際，她堅決地說：「我絕對唔會畀佢入娛樂圈！」

李嘉欣（Michele）日前飛抵馬來西亞，出席代言品牌Shiseido Revital 30周年慶祝活動。以Tube Dress上陣的她露出香肩，將其姣好身材表露無遺！常因工作周圍飛的Michele，坦言第一次跟小JM分離時，二人都哭花了臉。廿四孝的她更透露每逢出國，必定會帶着兒子的衣物：「等我每晚可以一邊聞住佢嘅味，一邊用iPad同佢視像通訊！所以每到一個地方，我第一件事一定係問有冇Wi-Fi可以上網。」雖然愛子心切，但她強調不會縱容小JM，誓要做一個嚴格的母親，把兒子管教好。

不能沒有工作

而問到老公有否投訴她是一個工作狂時？她笑說：「如果我唔做嘢，佢哋先頂唔順！因為我一定會好唔開心，成日喺屋企發脾氣！」她又透露陸續接到一些電影和電視的邀約，但為了專心照顧小JM，至少兩、三個月內都不會接拍。不過她坦言仍想回到大銀幕：「但係我想等小朋友大啲，拍一部有自己人生閱歷、將我人生一部分被放大嘅戲。」至於問到會否讓兒子進入娛樂圈？她即斬釘截鐵地說：「唔會，我絕對唔會畀佢入娛樂圈！」