Eason禁「Chok鋒」踩場搶鏡

霆鋒好友陳奕迅（Eason）昨日偕張敬軒及農夫出席《百年中國》活動時表示，在馬來西亞宣傳時曾與霆鋒見面，但不覺他有異樣：「我、霆鋒同安志杰喺酒店房食飯，但冇傾家事。」問到有否安慰霆鋒，他笑言霆鋒雖不說話，但依然一副Chok樣，堪稱「謝Chok鋒」！

否認被賣豬仔

有指霆鋒本周五返港後會第一時間見兒子，Eason笑說：「佢唔好嚟睇我《拉闊》，佢一個搶晒我哋（指楊千嬅及梁漢文）風頭！」並笑言每天都是霆鋒做頭條新聞，覺得很煩。問到會否介紹幼稚園給為Lucas搵學校的霆鋒，他表示只會理自己的女兒，又反問霆鋒是否要重讀幼稚園，大笑他智商低！

此外，Eason否認經理人陳家瑛以2億元天價將他與王菲「賣」給中國體操王子李寧的公司，並澄清與陳家瑛尚有合約：「我何止1億呀！太睇小我！」談及有遊行人士以他與林峯的演唱會比喻「替補機制」，Eason力撐林峯表示想看他開騷，認為遊行人士的言論代表娛樂新聞夠影響力。

至於張敬軒早前以作曲、編曲及監製身份送歌給緋聞密友關智斌，他說：「首歌係當作Boy'z明年10周年紀念嘅賀禮。」他還感激緋聞女友王菀之懶理唱片公司反對，堅持擔任其澳門演唱會的嘉賓。