四哥忍痛避見孫仔
在人前表現堅強的栢芝，據知現時最大的鬱結是拉姑早前哭訴見不到乖孫，以及被指「收埋」兩名兒子。據知情人士表示，栢芝一直歡迎拉姑及謝賢（四哥）探孫仔，但至今沒有接過拉姑求見孫兒的電話，故對報道感到莫名其妙。消息又指栢芝一直有傳短訊問四哥是否想探孫，但四哥後期再沒有與她聯絡。
記者昨日致電四哥求證，問到是否沒有回覆栢芝的短訊，他無奈地說：「我唔想加入佢哋兩個人嘅事。（想唔想探孫仔？）想探！但呢個時候去探，咪又係加入咗件事，好似唔知點咁！（好耐冇見兩個孫？）唉！好耐冇見兩個孫，但孫仔嘅嘢，遲早都見到！（想霆鋒同栢芝快啲定落嚟？）係囉！定咗之後再睇吓點啦！」至於拉姑的電話則直飛留言信箱，至截稿前仍未取得聯絡。
四哥暫不探孫仔，以免介入兒媳婚變一事。（資料圖片）
向來疼錫Lucas的拉姑，被指曾哭訴最近見不到孫仔。（資料圖片）