Crystal@HotCha「黐」人「說」夢

HotCha成員Crystal（張紋嘉）初嘗當作家滋味，於書展期間推出奇幻小說，雖然創作過程令她成為自話自說的「傻婆」，但為圓夢，付出都是值得的。

三人女子組合HotCha成員Crystal將於下月21日推出處女作小說《愛瘋說》，她說：「嗰日係我26歲生日，都算係一份最大、最有紀念價值嘅生日禮物！我生日願望就係本書受歡迎。」雖然書名有「愛」字，但她強調非愛情小品，而是一本以超現實為題材的奇幻小說：「因為我知自己寫愛情小說，一定唔夠亦舒、張小嫻寫得咁好，而且本身我好鍾意睇懸疑書。」

問她入行五年，現在才執筆寫書可感辛苦？Crystal覺得壓力頗大，更令她曾懷疑自己患精神分裂，皆因她要代入書中各主角人物中，故常出現自言自語的情況，她笑說：「唔知情啲人，仲以為我係傻嘅！」幸好其「精神病」隨着完成著作而不藥而愈。問到對新書有何期望？她說：「希望受歡迎，有好口碑！我知要賺大錢就好難，因為我只係寫作初哥。」

感激隊友支持

Crystal感激在寫作的兩個月裏，組合成員Regen及Winkie都給予不少支持，不會約她出街令她分心，又准她盡早放工有更多時間寫書。問隊友可會捧場？Crystal笑說：「我諗佢哋冇心機睇晒成萬幾字嘅書，但都會睇我書入面啲相囉！」