衞詩祈禱懺悔

兩年前在日本藏毒被捕的衞詩（Jill），返港後即被Amusic老闆黎明解約，歌唱事業毀於一旦。日前她接受本報訪問，坦言事件令黎明相當冇面，故每天祈禱望對方原諒，她傷心地說：「我諗佢真係好傷心！」

衞詩的新書《重生》預計本月書展前推出，身為基督徒的她除分享見證外，亦赤裸裸披露如何壓力爆煲及被引誘吸毒的經過。雖然黎明視她及其孿生家姐衞蘭如親生女，但她因膽怯而沒有跟當時仍是老闆的黎明傾訴，她說：「真係會驚老闆，又唔想令佢擔心！」直至在日本藏毒被捕遭黎明解約，她才後悔莫及，即使傳短訊向黎明道歉，對方亦沒有回覆。

累衞蘭孤獨過生日

Jill說：「我話諗唔到講啲乜令佢原諒我，希望時間可以令佢睇到我轉變，真心同佢講對唔住。（佢好嬲你？）我諗佢真係好唔開心同心痛！」為了補償過錯，她自爆每日為黎明禱告，希望他終有一天原諒自己，她傷心地說：「經歷今次咁壞嘅事令佢好冇Face，我唔想大家覺得佢係唔好老闆，希望佢開心！」在衞蘭去年的演唱會上，Jill和黎明在後台相遇，她更主動上前擁抱及打招呼，氣氛融洽。

此外，Jill返港後無意中在相機看見家姐孤單過生日，令她心如刀割，她淚如泉湧的說：「當時我仲喺獄中，得佢同兩個好親嘅朋友慶祝，我見到啲相係佢切蛋糕但個樣好唔開心，Oh My God，為咗我咁唔開心，我哋第一次冇試過唔一齊慶祝！」