陳茵媺：有BB係開心事

藝人楊怡昨日與黃浩然及陳茵媺（Aimee）宣傳新劇《真相》時，對於盛傳楊思琦有喜，她驚訝地說：「真係好突然，可能因了解而分開，兩個人行到最後唔係結婚就係分手。（思琦仲傳短訊話好愛泳豪？）短訊嘅嘢旁人唔敢講太多，畀多啲空間同鼓勵兩個人！」正與李泳豪合作《拳王》的浩然表示，泳豪開工情緒正常，問到有否與對方傾訴？他就：「男仔行埋去拍吓佢，報以一個微笑就OK！」

而Aimee則愕然地說：「我唔Comment，有BB係開心事，恭喜佢，但我唔想有BB住，自己都仲係BB，未去到可以照顧人哋嘅地步。（陳豪唔等得！） 我都30歲，但唔好諗，一個階段還一個階段，唔好太快。」問到與陳豪的感情進展如何？她不斷甜笑，表示尚未與對方有第二次約會，還撒嬌指傳媒心急，建議傳媒代她赴會！Aimee透露即將播出被強姦戲份，望陳豪給予觀後感。對於廖碧兒揚言已與陳豪分手3年，Aimee表示事不關己，未有留意報道。