被揭攬「肉蒲仔」得個嬲字
港姐(3)許亦妮是非不絕，昨日又被發現與曾參演三級電影《3D肉蒲團之極樂寶鑑》的男演員姚洛銘（Jason）有攬腰相，在嫌疑新仔Jason的Facebook內發現多張二人合照，還有她的前緋聞男友孔樂勤，見她左右逢源，似乎十分享受身處男人堆中！Jason接受電話訪問時承認與許亦妮相識多年，問到有否被電親？他笑說：「我哋冇拍過拖，但佢細細個已經好靚女，佢之前都有SMS話《肉》片好睇，仲讚我靚仔添！我睇好佢攞冠軍，希望佢加油！」
此外，有傳許亦妮與金牌大風藝人造型設計師馬天佑傳緋聞，她否認之餘，更強調對方年紀細過自己：「講到我有十幾個男友，裏面只有三個係真，之前回應過，咁講好無聊！（介唔介意姊弟戀？）唔知！大家識咗四、五年。」