蔡恩真淨勝兩球

韓模蔡恩真（Enjel）以性感Bra Top上陣出席活動，大搶日模松岡李那（Linah）「峰」頭，坦承曾隆胸及隆鼻的她，笑言滿意現狀，不會再加工。

韓模蔡恩真與松岡李那昨日出席《蘭桂坊啤酒節2011》，身為代言人的Enjel以Bra Top上陣，上台獻唱時引來一陣歡呼！而上一任代言人Linah亦即席獻唱國語歌，可惜「峰」頭被搶。

不過Linah大方地讚Enjel厲害，並很高興交棒給她。問到會否覺得被打扮性感的Enjel搶鏡？她說：「少少，不過冇所謂。（佢身材好啲？）每個人都唔同，唔會比較。（佢整過容，你會唔會整？）我知整容喺韓國文化係好普遍，自己都覺得冇問題，不過我唔會整。（滿意自己身材？）唔滿意，想趕走Bye Bye肉。」此外，她希望打入大中華市場，故選擇獻唱國語歌曲，稍後還會錄音出唱片。

唔會再整容

首次在港演出的Enjel笑言很緊張：「我想喺香港發展，做關於唱歌或者模特兒嘅工作。（有冇諗住再整容？）其實我個胸係十年前隆嘅，另外仲整過個鼻，全身淨係整咗呢兩度。人當然想更靚，但係依家已經覺得足夠，唔會再整。」