楊思琦SMS：我仍很愛你

前日突宣布與李泳豪分手的楊思琦，被豪仔哥哥李泳漢踢爆昨日凌晨仍傳「我仍很愛你、很掛念你」的訊息給豪仔，言行不一。有傳她以「有喜」作分手理由，豪仔昨日黯然直認：「思琦有講佢有喜。」

本來一心與相戀9年的楊思琦拉埋天窗的李泳豪，前日面對思琦單方面宣布分手，低落心情可想而知。由「婚」變「分」，李家上下及豪仔的朋友均十分擔心，其中一名替豪仔不值的好友更爆出驚人內幕，指思琦分手當日哭訴「有喜」，並將經手人告訴豪仔，深受打擊的豪仔雖極力挽留，無奈思琦「去意」已決。

「祝佢永遠幸福」

昨日豪仔接受本報訪問時，親證思琦以「有喜」作分手理由：「思琦有講佢有喜，但我唔信。」記者前晚致電思琦求證時，她第一反應說：「你喺邊度聽番嚟？點解會有咁嘅傳聞？不過都係冇任何回應。」直至昨日，她仍對「有喜」傳聞不置可否，但不忘關心豪仔：「佢係一個好好嘅男仔，分咗手之後都係好朋友，祝佢永遠幸福。」

表面看來，思琦對豪仔鐵石心腸，但豪仔哥哥泳漢昨日卻爆出另一驚人內幕！他表示昨日凌晨陪豪仔通宵傾心事時，豪仔突然收到思琦的短訊稱「我仍很愛你、很掛念你」，與她堅持分手的態度十分矛盾，泳漢說：「都唔知佢咩心態，希望佢唔好再傳咁嘅短訊畀我細佬，佢每收一個短訊，情緒就更唔穩定！」

哽咽談情敵

至於忍痛繼續拍劇的豪仔，昨午在電話中坦言未聯絡上思琦：「我仲未搵到思琦，心情仲未平復到。」問到思琦「有喜」一事，他說：「唔回應喇！依家好唔開心，唔想再聽啲唔想聽嘅嘢。」他感激同事關心：「我好多謝黃浩然、陳志健同徐榮，佢哋同我傾咗好耐。（思琦話分咗手幾個月，點解上月仲同你慶祝生日？）我尋晚開工，個個都好驚訝，因為思琦前幾日仲有嚟搵我食飯。」而豪仔家人昨日凌晨4時特地前往接他收工，以行動支持他。

而豪仔昨日到電視城開工時，被追問是否認識Andy，及Andy是否思琦的中學同學？本來平靜的他突變得哀傷，更一度嗚咽稱「唔想回應」，在記者再三追問下才說：「想了解咗件事再交代，但個劇煞緊科，冇時間搵思琦。」問到是否相信思琦「有喜」，他以極微弱的聲線說：「唔信唔信。」

談及思琦於4月底遷往清水灣半島，他表示當時仍未覺察感情出問題：「佢仲好關心我夠唔夠瞓，有冇飯食。總之我哋冇嗌過交，唔知發生咩事，依家好擔心佢嘅狀況！」若感情無法挽救，他最終還是會接受現實，但強調仍愛思琦：「無論將來發生咩事．思琦有事我一定會出嚟幫。」至於被指沉迷賽車引起思琦不滿，豪仔勞氣說：「08年已經有車隊贊助我，訓練比賽食宿全部由車隊贊助，唔係報道所講咁荒謬，話我用佢啲錢賽車，所以車隊都想有啲法律行動！」

至於無綫高層樂易玲則表示，未有聽聞思琦提及「有喜」：「佢冇大肚，但分手有同我講，佢哋嘅決定係經過深思熟慮。」