何紫綸爆栢芝 有心情買手信
張栢芝好友兼張豪龍前女友何紫綸，前晚與李蘊及張文慈等出席《衍生行15周年水晶禧晚宴》時表示，得知他們剛從歐洲返港，兼玩得很開心：「佢哋有買禮物畀我，當我係妹咁！」談到栢芝現時的心情，何紫綸指應該比早前好：「但一定有唔開心，無端端畀人寫到咁，我都戥佢難過！豪龍一直都做佢守護神。（你站喺同一陣線？）永遠都咁錫佢！企女人角度睇，佢放棄事業去生仔係好難得，但畀人寫到咁衰，畀我都頂唔順。（婚變因機艙合照？）呢啲係累積，唔會一樣嘢造成。」她坦言栢芝湊兒子的時間多一點：「我同張豪龍拍拖八、九年，見謝霆鋒都唔夠十次。」至於兩名小孩是否會到加拿大，她說：「本身都係諗住畀佢哋去外國讀書，唔係為咗呢件事。」
何紫綸指外界對栢芝是「雞蛋裏挑骨頭」，令她情緒低落。
李蘊與張文慈以性感打扮出席。
張文慈
衍生行彭氏夫婦席上與范振鋒（右）等藝人合照。